«Mən sizə inanıram, etibar edirəm, güvənirəm və bu şərəfli işinizdə sizə uğurlar arzulayıram»
Heydər Əliyev
«Azərbaycan üçün ən ağır günlərdə Xüsusi Dövlət Mühafizə Xidməti ulu öndəri qorudu. Beləliklə Azərbaycanın müstəqilliyini qorudu»
İlham Əliyev
Xüsusi Dövlət Mühafizə Xidmətinin əməkdaşları peşə bayramlarını qeyd etmişlər

20.08.2019

Azərbaycan Respublikası Xüsusi Dövlət Mühafizə Xidmətinin əməkdaşları avqustun 23-də peşə bayramlarını qeyd etmişlər.

AzərTAc xəbər verir ki, Xüsusi Dövlət Mühafizə Xidmətinin əməkdaşları Fəxri xiyabana gələrək, müasir müstəqil Azərbaycan dövlətinin banisi və qurucusu ümummilli lider Heydər Əliyevin xatirəsini ehtiramla yad etmiş, abidəsi önünə əklil qoymuşlar. Görkəmli oftalmoloq alim, akademik Zərifə xanım Əliyevanın da məzarı üzərinə tər güllər düzülmüşdür.

Daha sonra Şəhidlər xiyabanında Azərbaycanın müstəqilliyi və suverenliyi uğrunda canlarından keçmiş qəhrəman Vətən övladlarının məzarları ziyarət edilmişdir.

Peşə bayramı münasibətilə təşkil edilən mərasimdə Xüsusi Dövlət Mühafizə Xidmətinin rəisi, general-polkovnik Vaqif Axundov şəxsi heyəti təbrik etmiş, onlara fəaliyyətlərində uğurlar arzulamışdır. Xidmətdə fərqlənən bir qrup əməkdaşa mükafatlar təqdim olunmuşdur.

Qeyd edək ki, Azərbaycan Prezidenti İlham Əliyev 2008-ci ildə avqustun 23-nü Xüsusi Dövlət Mühafizə Xidməti əməkdaşlarının peşə bayramı günü kimi təsis edilməsi haqqında sərəncam imzalamışdır. Əsas vəzifələri Azərbaycan Prezidentinin, dövlət obyektlərinin mühafizəsi, həmçinin respublikamızda səfərdə olan xarici ölkələrin dövlət və hökumət başçılarının təhlükəsizliyinin təmin edilməsi olan Xüsusi Dövlət Mühafizə Xidməti ötən dövrdə şərəfli yol keçmişdir. Dövlət başçısı İlham Əliyev Xidmətin fəaliyyətinin təkmilləşdirilməsinə daim yüksək diqqət və qayğı göstərir.



FAYDALI KEÇİDLƏR
YENİLİKLƏRƏ ABUNƏ
Abunə ol